Stille verdowing

Wat sal mens sê?
Wat kon ons nou eintlik doen?
Jy’s van ons geneem
sonder druk
sonder soen

So baie wat nog kon gebeur
betwyfel vir geen oomblik
wie jy was
en wat jy nou is
jy is ons oorwinnaar

Ewig in slaap gedompel
bevind ons jou rus as
pyn
as iets uit die euwels,
tog het jy die rus nodig gehad

Jy was moeg
Jy’t te veel gesien
te veel ervaar
jy was dapper
tot die rustende
einde

Jy kom in ons drome
vervul ons met vrede
jy wals
jy glimlag
want jy weet

ons almal is oorwinnaars

**vir Chris Greyling: geliefde vriend, seun en broer

Ons gaan jou mis